Bi debagoiendar ariko dira 2026ko Euskal Herriko Bertsolari Txapelketan: Peru Abarrategi aramaioarra eta Maider Arregi oñatiarra. Abarrategik, gainera, lehen saioan egin du bertsotan; irailaren 19an Hazparnen, hain zuzen –sarrerak, hemen–. Eki Mateorena, Maddi Ane Txoperena, Miren Artetxe, Unai Anda eta Xabat Galletebeitia izango ditu alboan aramaioarrak.
Maider Arregiren txanda, aldiz, Donapaleun izango da, urriaren 3an –sarrerak, hemen–. Harekin batera, Eneko Lazkoz, Iñaki Viñaspre, Oihana Iguaran, Saioa Alkaiza eta Sarai Robles izango dira oholtza gainean.
