"Talde osoaren lanaren errekonozimendua da hau, lanean jarraitzeko gogoa ematen duen errekonozimendu horietakoa. Taldekide guztiak gara honen errudun, eta taldetik denei eman nahi dizkiegu eskerrak", adierazi du Bizi Hadi taldeko ordezkari Aitor Rementeriak.
Urtebete taldea sortu zutela
Hain zuzen, orain bete da urtebete Bizi Hadi taldea Oñatin aurkeztu zutela. Orduan zera nabarmendu zuen Rementeriak. "Desgaitasun ezberdinak ditugun pertsonentzat, edonorentzat, ateak zabalik dituen taldea da Bizi Hadi, guztiok dugulako desgaitasunen bat. Baina, batez ere, desgaitasun fisiko edo psikikoak dituztenei laguntzera bideratutako taldea da". Bada, poliki-poliki talde hori badabil ikusgarritasuna lortzen, eta helburuak betetzen.