Gaur eta bihar, gaueko joan-etorriak autobus bidez egiteko aukera egongo da Antzuolako jaietara hurbiltzeko. Horretarako, Antzuola Bergararekin, Elgetarekin eta Zumarragarekin batzen dituen autobus linea indartuko du Lurraldebusek. Avanzako langileen greba bertan behera geratu ostean, zerbitzua aurreko astean iragarritakoa baino zabalagoa izango da azkenean.
Antzuolako festak direla eta, gaueko joan-etorriak "modu seguruan, erosoan eta ingurumena errespetatuta" egiteko aukera egongo dela azpimarratu du Gipuzkoako Foru Aldundiaren Mugikortasuneko, Turismoko eta Lurralde Antolaketako diputatu Azahara Dominguezek.
Autobus zerbitzua uztailaren 18an eta 19an, gauerditik goizeko 06:00ak artean egongo da martxan, ondorengo taulan zehazten den ordutegiaren arabera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.