Urrezko eta brillantezko intsigniak jaso zituzten, Alberto Lopez eta Oscar de Paularekin batera. Klubarekiko izan duten "konpromiso eta fideltasunagatik" banatu ditu Realak intsignia horiek: "Gure kirolari ospetsuenetako batzuekin zorra daukagu. Realean arrastoa utzi zuten futbolari batzuen ibilbidea aho batez aitortzeko aukera dugu", zioten ekimena iragartzerakoan.
Hamarkada bat baino gehiago Realean izandako bi debagoiendarrek 300 partidu baino gehiago jokatu zituzten: Arantzabalek, 353 eta Lopez Rekartek, 338. Bi jokalariak harro eta pozik agertu ziren. Realeko zein Athleticeko oraingo jokalari eta kideen babesa jaso zuten, eta bereziki, zaleen txalo zaparrada handia.
(Irudiak: Real Sociedad)
