Arguiz ahizpak eta Oihana Mata omendu dituzte Aresko martxan

Emakumea eta kirola indartzeko eta ezagutarazteko Aresko martxaren zazpigarren edizioa izan da gaur. Hitzorduari hasiera Eskoriatzan eman diote aurten, eta, aurtengo ediziorako egin dituzten kamiseta berriak banatu ostean, omenaldia jaso dute Haizeder eta Nahia Arguiz Vita eskoriatzarrek, gimnasia erritmikoan egindako lorpenengatik. Ondoren, oinez Aretxabaletarako bidea hartu dute, eta, Eskoriatzatik Aretxabaletara bidea egin eta gero, Aretxabaletako plazan Oihana Mata aretxabaletarrak jaso du omenaldia, emakumeen pilotan erreferentea izateagatik.