Debagoieneko herri gehienetan antolatu dituzte elkarretaratzeak eta manifestazioak Azaroaren 25earako, emakumeen aurkako indarkeriaren aurka. Hona hemen A25eko egitaraua:
- • Arrasate: 18:00etan, elkarretaratzea egingo dute Herriko Plazan, Itaiak deituta. 19:00etarako, berriz, Arrasateko Mugimendu Feministak deitu du bilkura, Seber Altube plazan.
- • Bergara: 18:30erako antolatu dute protesta, Martxanterak talde feministak deituta. Bergarako San Martin plazatik irtengo da manifestazioa, eta Bergarako kaleak hartuko ditu.
- • Oñati: 19:00etan, Sare Feministak deitutako elkarretaratzea izango da, plazan.
- • Aretxabaleta: Herriko Plazan 12:00etan eta 18:30ean izango dira elkarretaratzeak, Pikarraituzek eta Atxabaltako Mugimendu Feministak deituta.
- • Eskoriatza: 18:30ean egingo dute protesta, Fernando Eskoriatza plazan.
- • Antzuola: Andramanuelak talde feministak deitutako elkarretaratzea izango da, 19:00etan, plazan.
- • Aramaio: 18:00etan bilduko dira protestarako, Bizente Goikoetxea plazan.
- • Elgeta: 19:30erako deitu dute elkarretaratzea, Mendizaleen plazan.
- • Leintz Gatzaga: Ez da elkarretaratzerik egongo, baina 18:30etako Eskoriatzako elkarretaratzera batzeko autobusa antolatu dute. 18:10ean irtengo da Leintz Gatzagatik.
