Goiena telebistaren seinalea banatzen duen Murugain mendiko antena egoera kaskarrean utzi zuen haizeak urriaren 9an eta ondorioz TDT bidez ez da ondo ikusi Debagoieneko etxeetan. Behin betiko instalakuntza egin bitartean behin behineko konponbidea topatu diote arazoari eta estaldura oraindik %100ekoa ez bada ere, eskualdeko herri gehienetan dagoeneko ikus daiteke.
Murugaineko antenak okertuta jarraitzen du eta eta konponbide onik ez du. Horregatik, instalakuntza aldatu egingo da Itelazpik tontor horretan bertan duen azpiegiturara. Horretarako aste batzuk beharko dituzte eta bien bitartean telebista ikusi ahal izateko sistema egokitu da. Estaldura Debagoieneko herri guztietara txukun iristen saiatuko dira egunotan.
Kable bidez eta streaming-ez ikusteko, ostera, ez dago inolako arazorik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
