Eman pausoa leloarekin dator bederatzigarren urtez antolatu duten Mundukideren lasterketa solidarioa; hilaren 20an egingo dute, Urkulun. Hiru ordu dituzte jasota egitaruan: 2005-2017 urte bitartean jaiotako haur eta gazteen lasterketak hasiko dituzte 10:00etan, urtegiari bira emateko ibilaldia hasiko da ordu erdi geroago eta 11:00etan, kooperatiben arteko lasterketa hasiko dute.
Harreman dendako postuan kafea, txokolatea eta bizkotxoak eskainiko dituzte eta UDA kirol elkarteko tabernariek Aretxabaletako paellagileekin batera edari eta pintxoak salduko dituzte. Musika ere egongo da, AZ Gaubelako Ibai Zangituren eskutik.
Urriaren 20an egingo da Mundukideren aurtengo lasterketa solidarioa eta hilaren 17a aurretik eman behar da hemen sartuta.