Pop-rock doinuak lantzen dituen hirukoteak –Biken Larrañaga, Beñat Larrañaga eta Antxon Arregi– Zestoako Gaztain estudioetan grabatu du bigarren diskoa, Eñaut Gaztañagaren gidaritzapean.
Sei kantuz osatu dute diskoa eta kantu bakoitzak "barneko min ezberdinak" islatzen dituela eman dute jakitera taldekideek. Hona hemen kanta horien izenak: Ez espero ezer; Neu naizen; Itxoiten; Itzalari lotua; Izar baten bila; eta Dei bat.
Apirilean Itxoiten abestiaren bideoklipa zabaldu zuten; maiatzean, Itzalari lotuta jarri zuten entzungai eta orain Neu naizen kantua dator.