Partiduaren balorazioa egin Iñaki Ogaran Arri entrenatzaileak neurketa bukatu eta berehala: Azken partidu hau fisikoki gogorrena izan da, kosta zaigu neurria hartzea, atzoko lehiaren ostean hankak oso nekatuta genituen eta. Azken momentura arte saiatu gara, nesken esfortzua galanta izan da. Egia da garaipenarekin bukatu gura genuela fasea eta denboraldia, baina Cacereskoak gu baino hobeak izan dira gaur".
Sari potoloa, baina, marea moreak eraman du, datorren urtean Espainia mailako hirugarren kategoria garrantzitsuenean, LF 2 mailan, jokatuko duelako: "Bi partidu oso-oso onak eginda, denboraldi osoan lan ikaragarria eginda, zoriontzea besterik ez daukat; taldeari, klubari, gurasoei... Honaino heltzen zarenean konturatzen zara uste duzuna baino jende gehiago dagoela babesa ematen. Talde honen ordezkari izatea gauza handia da, haur eta gaztetxoentzat erreferenteak gara, bai bailaran eta bai Euskal Herrian. Bide honetatik jarraitu behar dugu", esan du Ogaranek, pozik.
(Argazkiak: Angel Ayastuy)
