EITBk egindako galdeketen arabera EAJk aurreko hauteskundeetan baino 3-5 eserleku gutxiago lortuko lituzke. EH Bilduk, berriz, gora egingo luke eserlekuetan; 26-28 lortuko lituzke, 2020an baino 5-7 gehiago gehiago. Beraz, berdinketa teknikoa egongo litzateke bi alderdien artean eta, botoen portzentajeetan egongo litzateke aldea; alderdi jeltzaleak botoen %35,7-a lortuko luke eta koalizio abertzaleak, berriz, %32,9-a. PSE-EE eta PP ere indartu egin daiteke aurtengo hauteskundeen ostean; sozialistek 10-12 legebiltzarkide izango lukete eta alderdi popularrak 7 eserleku eskuratuko lituzke.
Elkarrekin Podemosek eserleku 1 edo 2 izango lituzke eta Sumarrek 0 edo 2 ordezkari izan ditzake. Vox alderdi ultraeskuindarrari dagokionez, ez luke ordezkaritzarik izango Legebiltzarrean.
Gipuzkoan, EH Bildu nagusi
EH Bilduk 11 eserleku eskuratuko lituzke Gipuzkoan eta indar bozkatuena izango litzateke eta EAJk, berriz, galdu egingo luke haren nagusitasuna, 10etik 8 edo 9 eserlekura igaroko litzatekelako. Hirugarren indarra PSE-EE izango litzateke hiru edo lau legebiltzarkiderekin, eta laugarrena alderdi popularra eserleku bakarrarekin. Litekeena da Sumarrek ordezkari bat izatea Gipuzkoan.
EAJ nagusi izango litzateke Bizkaian; Gipuzkoan eta Araban, berriz, EH Bildu. Argazkia: EITB
