Bi debagoiendar, EH Bilduren EAEko hauteskundeetarako zerrendan

Hasier Larrea 2024ko ots. 24a, 10:51
Martinez eta Ubera.

Hauteskunde data iragarri eta biharamunean eman ditu aditzera EH Bilduk lurralde bakoitzerako hautagaiak. Gipuzkoako zerrendarako izenen artean Lore Martinez Axpe aretxabaletarra eta Rebeka Ubera Aranzeta elgetarra daude.

EH Bilduren zerrendaburua Gipuzkoan Nerea Kortajarena Ibañez izango da, Araban Pello Otxandiano Kanpo–lehendakarigaia ere bada–, eta Bizkaian Ima Garrastatxu Urbaneja.

Gipuzkoan bosgarren hautagaia da Lore Martinez Axpe –Aretxabaleta, 1971–. Informatika ingeniaria ofizioz, 2020tik hona legebiltzarkide izan da, eta 2011tik 2015ra Gipuzkoako Aldundian Informazio Gizartearen zuzendaria izan zen.

Zazpigarrena doa zerrendan, berriz, Rebeka Ubera Aranzeta –Elgeta, 1972–. Heziketa Fisikoan eta Haur Hezkuntzan diplomatua eta psikomotrizista da. 2012tik hona legebiltzarkide lanetan jardun du, eta 2014tik 2017ra Aralar alderdi politikoan koordinatzailea izan zen.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak