Horretarako, aski da Elia kontaktuetara gehitzea, pertsona bat balitz bezala. Testu bat itzultzeko beharra dagoenean, beraz, itzuli beharrekoa bidaltzeko aukera dago hari, aldi berean itzuli dezan. Euskaratik gaztelerara itzultzeko konfiguratuta dago, baina beste hizkuntza batzuk hautatzeko aukera ere badago, jatorrizkoa zein helburukoa. Euskara ez ezik, gaztelera, katalana, frantsesa, ingelesa eta galiziera daude aukeran.
Halaber, bestelako erabilera ere izan ditzake. Esate baterako, Telegrameko talde batean kontaktutzat sartu eta gaztelania euskara balitz bezala konfiguratu, euskarara itzuli ditzan gaztelaniazko esaldiak. Hala ere, gaur-gaurkoz, ez dute erabilera hori zabaldu.
