Debagoieneko Mankomunitateak bailarako turismo eskaintza zabaldu du datozen lau egunetarako, eta asteburuko ohiko bisitez aparte, familiei zuzendutako ekintzak antolatu ditu Bizi natura familian izenburupean, Bergaran, Oñatin eta Leintz Gatzagan egiteko.
Hilaren 12rako bi ekintza antolatu dituzte. Gatzagako Gatz museoan bi bisita gidatu egingo dituzte –12:00etan, euskaraz; 13:00etan, gaztelaniaz–. 16:00etan, berriz, Bizi pottoka egingo dute Oñatiko Pottokalekun, baina Mankomunitatetik jakinarazi dute dagoeneko plazak beteta daudela. Egubakoitz goizean, Arantzatzuko santutegia ezagutu ahal izango da familian 11:00etatik aurrera, edo Bergarako Laboratorium museoko Escape the museum-en hartu ahal izango da parte. Arratsaldean, berriz, Lehoiaren bila bisita tailerra egingo da, 16:30ean hasita, Oñatin.
Zapatuan, hilak 14, eguerdiko hamabietan Afrikako kakaoaren historia-ren bisita egingo dute Oñatiko Txokolateixan, eta 15:00etan, berriz, Espeleotxiki Arrikrutzen. Azkenik, domekan, 11:00etan Arantzazuko altxorraren bila jolasa antolatu dute Parketxean.
Izen-ematea
Jardueretan aurrez izena emateko gomendioa egin du Debagoieneko Mankomunitateak, plaza kopurua mugatua baita. Horretarako, infoturismo@debagoiena.eus helbidera idatzi edo 943 79 64 65 telefonora deitu behar da. Ekintzetan parte hartzeko ez dago gutxieneko adinik, baina azaldu dute Espeleotxiki, Escape the museum edota Altxorraren bila jolasa 7-8 urtetik gorako haurrei gomendatzen dizkietela.
