Prezipitazio handiagatik, alerta laranja ezarri du Euskalmetek 15:00etatik 22:00etara. Zenbait tokitan oso handiak izan daitezkeela ere jakinarazi dute (ordubetean > 30 l/m²). Zaparrada trumoitsuak botako ditu, batez ere eguerditik aurrera; eta baliteke zenbait tokitan handiak izatea, txingorra botatzea eta haize-bolada oso gogorrak izatea ekaitz-guneetan.
Bestalde, Eusko Jaurlaritzako Larrialdiei Aurre Egiteko eta Meteorologiako Zuzendaritzak, ekaitz handien arriskua ikusita, eta eragin ditzaketen ondorio larriak prebenitzeko eta arintzeko, gomendio hauek eman ditu:
- Bertan behera utzi aire zabaleko jarduerak, esate baterako, mendi-irteerak edo uretako ekintzak.
- Era horretako egoerek eragindako prezipitazioek arazoak sor ditzakete estolderian eta drainatze-sistemetan, bai herri barrukoetan bai errepidekoetan, eta kontuz ibiltzeko eskatzen da, beraz.
- Gidatzen ari zarenean ekaitzak harrapatzen bazaitu, gogoan izan itxita dagoen ibilgailua babesleku ona izan daitekeela. Edonola ere, abiadura moteldu, arretaz gidatu eta ez gelditu ur asko pasa litekeen leku batean.
📹#ekaitza #dibulgazioa
— Euskalmet (@Euskalmet) September 11, 2023
⚡Trumoi-ekaitza, tximistak, txingorra... nola sortzen dira?
👇Bideo labur honetan erantzunak pic.twitter.com/rSKyox9OUB