Bilbon hasiko da aurten Frantziako Tourra, eta Sonia Diaz de Corcuera Eusko Jaurlaritzako Trafikoko zuzendariak jakinarazi du horrek murrizketak eragingo dituela Loiuko eta Hondarribiako aireportuetan, garraio publikoaren ibilbidean eta lantokietako sarrera eta irteeretan.
Tourraren eragina errepideetan zein izango den jakiteko, ordea, nabarmendu dute garrantzitsua dela egingo diren trafiko etenak kontsultatzea. Horrez gainera, Waze aplikaziora igoko dituzte murrizketa guztiak, eta ordezkoak izan daitezkeen ibilbideak ere proposatuko ditu.
Debagoienari dagokionez, Aramaiotik, Arrasatetik eta Oñatitik pasatuko da Tourra, uztailaren 2an.