Lokatza Ziklismo Eskolako txirrindulariek asteburu oparoa, zein gorabeheratsua izan dute.
Batetik, Igamo Packaging taldeko neskak Lizarran izan ziren, Espainiako Kopako zazpigarren proba puntuagarrian lehiatzen. Txirrindulariek ez zuten eguraldia lagun izan eta sekulako euri jarioari aurre egin behar izan zien. Emaitzei erreparatuz, nabarmentzekoa Itxaso Plaza arrasatearrak jubenil mailan merezimendu osoz lortutako zortzigarren postua. Halaber, kategoria berean Edurne Ormaetxea aramaioarrak 36. postua eskuratu zuen. Kadeteetan ostera, tropel nagusian iritsi ziren Itxaso Askasibar elgetarra eta Izar Ezkibel oñatiarra, matxurak eta erorikoak gaindituta ondoren hurrenez hurren.
Bolintxo - Lanako gazteak aldiz, Gipuzkoako txapelketako Oñatiko Olakua proban parte hartu zuten. Ibilbidearen konplexutasuna kontuan hartuta, Manex Larrañagak eta Iñaki Plazak lasterketa oso txukuna burutzea lortu zuten. Biak ala biak, tropel nagusian helmugaratu ziren eta Unai Ormaetxea ordea, bigarren tropel batean heldu zen.
Hurrengo zitak
- Ekainak 10 - Balmaseda: Igamo Packaging.
- Ekainak 11 - Bergara: Erlojuaren aurkako Gipuzkoako eta Euskadiko txapelketa kadeteetan. Bolintxo-Lana eta Igamo Packaging.
