Talde ekologistako kideek nabarmendu baitute Gipuzkoako Foru Aldundiko Ingurumen eta Obra Hidraulikoetako Sailak bost dirulaguntza lerro onartu dituela eta horietako bat udal eta mankomunitateentzat dela, hala nola, ibai, kosta eta lehorretako inguruneetan sakabanatutako zaborren metaketa saihesteko eta jarduketa hori zuzentzen laguntzen duten ekintzak gauzatzeko.
Hala ezean, zaborra itsas ekosistemara iritsiko dela uste baitute, eta urtetik urtera handitzen ari den arazo bat dela. "Gure kostaldea ez da salbuespena. Kontzientziazio publikorik eza dela-eta, hondakinak kontrolik gabe isurtzen dira. Axolagabekeriagatik batzuetan; istripuagatik, beste batzuetan, baina batik bat gure gizartean hain errotuta dagoen ohitura itsusi horregatik: hondakinak gure kaleetan inolako lotsarik gabe botatzeko edo uzteko ohitura".
Hondakinik ez sortzea
Jarduketa horiez gain, ordea, Eguzkik argi du zein den bidea: "Hondakinik onena sortzen ez dena da, eta, horrela, ingurumenean eragiten duten inpaktua minimizatzen da garapen iraunkorra bultzatuz". Bada, nabarmendu dute "hondakinik egokiena" ekosistema urtarretara iristen ez dena dela.
