Jakinekoa zen Gipuzkoako Foru Aldundiak Garabideri emango ziola 2022ko Abadia Saria. Eider Mendoza Gipuzkoako Foru Aldundiko bozeramaile eta gobernantza diputatuak iazko abenduan adierazi zuen epaimahaiak aho batez erabaki zuela 2022ko Abbadia Saria Garabide Elkarteari ematea. Eta gaur, eguaztena, egin dute sari banaketa ekitaldia.
Bada, Garabideko presidente Iñaki Martinez de Luna igo da oholtzara, saria jasotzera. "Egia esateko gaizki sentitzen naiz, sari hau jasotzeko meritu txikiena nik daukadalako. Garabiden meritu handia Jonek [Sarasua] izan du, hura izan da zutabe nagusia, eta gaur egun lanak eta ardurak banatuago ditugu. Hala, Abadiaren bueltan sortutako kolaboratzaile sareak du benetako meritua, erakundeak izan, partikularrak, militanteak... Sare oso polita sortu dugu eta horiek dute meritua", adierazi du Martinez de Luna presidenteak.
Gaurko ekitaldia osorik, hemen.
