Beste aste batez jarraian, bost positibo atzeman dituzte Debagoienean azken astean, aurreko bi asteetan bezalaxe. Arrasaten bi positibo hauteman dituzte, Bergaran bat eta Oñatin beste bi.
Araban, Bizkaian eta Gipuzkoan, berriz, 274 kasu erregistratu dituzte, aurreko astean baino hogei gehiago, 254 izan baitziren orduan.
72 ospitaleratuta
Hiru lurralde horietako erietxeetan, berriz, 72 pertsona daude ospitaleratuta, aurrekoan baino bat gehiago, eta horietatik zortzi daude zainketa intentsiboetako unitatean. Horrez gain, bost pertsona hil dira COVID-19aren ondorioz.