Elurra bota du goizaldean eta Debagoieneko herririk garaienak zuritu egin ditu, Elgeta, esaterako. Errepideetan ere izan du eragina. Trafiko Sailetik aditzera eman dutenez –13:00etan eguneratuta– Elosuan, GI-3750 errepidean, kateak behar dira; eta arretaz gidatu behar da honako beste hauetan: Kurtzetan A-2620, Elgetako Pagatzan GI-2632, Arantzazura doan GI-3591 errepidean eta Gatzagako mendatean (Araba aldean) A-2622.
Elgetako Udaletik adierazi du arriskutsu daudela Eibarrerako eta Kanpanzarrerako errepideak; horregatik Bergarakoa erabiltzeko gomendatu dute.
Euskal Meteorologia Agentziak iragarri duenez egunaren bigarren zatian atertzera egingo du. Elur-maila 300-500 metrora egongo da goizean, eta 500-700 metrora igoko da arratsaldean. Negu-giroa izango da nagusi; izotza botako du barnealdeko leku askotan eta baita mendi inguruetan ere. Ipar-haizea ibiliko da eta tenperatura maximoak atzokoaren oso antzekoak izango dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak