Elgetako Udaletik adierazi du arriskutsu daudela Eibarrerako eta Kanpanzarrerako errepideak; horregatik Bergarakoa erabiltzeko gomendatu dute.
Euskal Meteorologia Agentziak iragarri duenez egunaren bigarren zatian atertzera egingo du. Elur-maila 300-500 metrora egongo da goizean, eta 500-700 metrora igoko da arratsaldean. Negu-giroa izango da nagusi; izotza botako du barnealdeko leku askotan eta baita mendi inguruetan ere. Ipar-haizea ibiliko da eta tenperatura maximoak atzokoaren oso antzekoak izango dira.
