Goizaldean botatako elur zaparraden ondorioz errepide batzuetan arreta berezia eskatu dute. Elgetaren kasuan Udalak jakinarazi du arriskutsu daudela Eibar eta Kanpanzarrerako errepideak. Autoa hartu beharra izanez gero Bergarako errepidea erabiltzeko eskatu dute.
Euskal Meteorologia Agentziak iragarri duenez egunaren bigarren zatian atertzera egingo du. Elur-maila 300-500 metrora egongo da goizean, eta 500-700 metrora igoko da arratsaldean. Negu-giroa izango da nagusi; izotza botako du barnealdeko leku askotan eta baita mendi inguruetan ere. Ipar-haizea ibiliko da eta tenperatura maximoak atzokoaren oso antzekoak izango dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
