Beste aste batez, behera egin du positiboen kopuruak bailaran, Eusko Jaurlaritzako Osasun Sailak emandako informazioaren arabera, bost kasu atzeman baitituzte azken astean, aurrekoan baino lau gutxiago.
Ohi den moduan, Arrasaten eta Bergaran hauteman dituzte positibo horiek. Arrasaten, bi izan dira eta, Bergaran, hiru.
Ospitaleratu gutxiago
Erietxeetan ospitaleratuta dauden pertsonak ere gero eta gutxiago dira. Gaur-gaurkoz, 76 pertsona daude ospitaleetan COVID-19arekin, eta horietatik zazpi zaintza berezien unitateetan. Hildakoak, berriz, bost izan dira.