Grupos de empoderamiento de Gipuzkoa: motivación para participar y cambios reseñables (Gipuzkoako ahalduntze taldeak: parte hartzeko motibazioa eta aldaketa aipagarriak) txostenean bildu ditu ondorioak egileak, eta ondorioztatu du lurraldeko zenbait udalerritako ahalduntze saioetan parte hartu duten andreen herenak baino gehiagok -%33,8k- autoestimu eta segurtasun pertsonal handiagoa dutela egitasmo horiei esker.
Oñatin eta Arrasaten ere aritu dira ikerketa gauzatzen, 2018ko martxotik ekainera eta 2019ko ekainean. Guztira, 115 emakumek hartu dute parte, eta galdetegi bidez jaso dituzte erantzunak.
Aldaketak "agerikoak"
Hala, egileak nabarmendu du 25 urte daramatzala emakumeen ahalduntze taldeekin lanean, eta ondorio argia atera duela: "Haien bizitzan izandako aldaketak agerikoak, iraunkorrak eta egiturazkoak dira, eta munduan egoteko beste modu baten hasiera". Gainera, berretsi du prozesu horiek "osasunaren ondoezarekin" lotutako sintomatologia "hobetzen eta desagerrarazten" laguntzen dutela.
