Eusko Jaurlaritzako Osasun Sailak emandako datuen arabera, 26 positibo atzeman dituzte azken astean Debagoienean, aurreko astean baino hamazazpi gutxiago, 43 izan baitziren ordu hartan.
Aurreko aldietan ez bezala, Bergaran erregistratu dituzte kasu gehien; guztira, hamahiru izan dira, eta ostean, Arrasaten, bost. Aretxabaletan eta Oñatin, hiruna positibo hauteman dituzte, eta Antzuolan eta Aramaion, bana. Beraz, Elgetan, Eskoriatzan eta Leintz Gatzagan ez da bat bera ere egon.
Beherakoa, gainera, Araban, Bizkaian eta Gipuzkoan ere islatzen da, 1.344 positibo atzeman baitituzte azken astean, aurrekoan baino 225 gutxiago.
Ospitaleetan 171 eri
Are gehiago, ospitaleetan ere behera egin du ospitaleratutakoen kopuruak, 171 pertsona baitaude azken datuen arabera erietxeetan, eta horietatik hamabi zaintza berezien unitateetan. Aurreko astean, 308 ziren.
