Beste aste batez, COVID-19aren datuak eman ditu Eusko Jaurlaritzako Osasun Sailak, eta horren arabera, 43 kasu atzeman dira azken astean bailaran, aurreko astean baino hamabost gehiago, 28 izan baitziren orduan.
Herri handiena eta populatuena izanik, eta aurreko asteetako joerari jarraituz, Arrasaten hauteman dira kasu gehienak. Guztira, hamabost kasu erregistratu dituzte, eta ondoren, Bergaran, hamahiru. Oñatin, zazpi izan dira, Aretxabaletan bost, Antzuolan bi eta Elgetan, bat. Aramaion, Eskoriatzan eta Leintz Gatzagan, beraz, ez dute bat bera ere atzeman.
Areago, Arabako, Bizkaiko eta Gipuzkoako datuari dagokionez, gora egin dute beste behin. 1.569 positibo erregistratu dituzte, aurrekoan baino 172 gehiago —1.397 izan ziren—.
308 ospitaleratuta
Ospitaleetan ere gorakada nabari da, 308 pertsona eri baitaude zentro horietan, aurreko astean baino 38 gehiago. Eta horietatik lau daude ZIUetan. Hildakoak, berriz, hemeretzi izan dira.
