Eusko Jaurlaritzako Osasun Sailak emandako datuen arabera, 28 positibo atzeman dituzte azken astean, eta beraz, aurreko astean baino bederatzi gutxiago izan dira, 37 erregistratu baitzituzten bailarako herrietan.
Herrietako egoerari dagokionez, Arrasaten hauteman dituzte kasu gehienak; guztira, hamalau izan dira. Bergaran, berriz, sei kasu atzeman dituzte, Antzuolan bi, eta Eskoriatzan, Leintz Gatzagan eta Oñatin, bana. Aretxabaletan eta Elgetan, bat bera ere ez.
Are gehiago, beheranzko joera Arabako, Bizkaiko eta Gipuzkoako egoerara ere hedatu daiteke. 1.397 positibo erregistratu dituzte azken astean, aurrekoan baino 175 gutxiago —1.572 izan ziren—.
Ospitaleratuak, gehiago
Ospitaleetan, ordea, egoera okertu egin da. Araban, Bizkaian eta Gipuzkoan 270 pertsona daude ospitaleratuta, eta hemeretzi ZIUetan daude. Aurreko astean, 203 ziren, eta bost zeuden zaintza berezien unitateetan.
