2.439 langabe zeuden Debagoienean urrian, baina behera egin du datuak azaroan, aurreko hilabetean baino 60 langabe gutxiago izan baitira; guztira, 2.379. Hau da, %7,74koa da gaur-gaurkoz langabezia-tasa bailaran.
Herrietako egoerari dagokionez, ia guztietan egin du behera langabeen kopuruak. Leintz Gatzagan, ordea, bi langabe gehiago daude eta Aramaion, bat. Halere, Arrasateko egoera da nabarmentzekoa, urrian baino 22 langabe gutxiago baitaude; Aretxabaletan, hamabost gutxiago; Oñatin, hamalau; Bergaran, sei; Eskoriatzan, lau eta Elgetan bi. Hala, Antzuola da kopuru berberari eutsi dion herria; guztira, irailaz geroztik, 72 pertsona daude lanik gabe.
Dena den, zenbaki absolutuetan datuak horiek izan arren, langabezia gehien gutxitu den herria Aretxabaleta da: %7 egin du behera hilabeteko epean.
Hurrengo taulan daude herri guztietako datuak:
| Herria | Azaroko langabeak |
Urriko langabeak |
Azken bi hilabeteetako aldea |
Azaroko langabezia-tasa |
| Antzuola | 72 | 72 | = | %6,64 |
| Aramaio | 8 | 7 | +1 | %1,14 |
| Aretxabaleta | 190 | 205 | -15 | %5,53 |
| Arrasate | 1.076 | 1.098 | -22 | %10,59 |
| Bergara | 508 | 514 | -6 | %7,08 |
| Elgeta | 30 | 32 | -2 | %5,05 |
| Eskoriatza | 166 | 170 | -4 | %8,30 |
| Leintz Gatzaga | 5 | 3 | +2 | %4,17 |
| Oñati | 324 | 338 | -14 | %5,98 |
| GUZTIRA | 2.379 | 2.439 | -60 | %7,74 |