Eusko Jaurlaritzako Osasun Sailak, beste aste batez, koronabirusaren datuak eman ditu, eta, hain justu, 30 positibo atzeman dituzte azken astean bailaran, aurrekoan baino hamar gutxiago.
Herrietako egoerari dagokionez, Arrasaten hauteman dituzte kasu gehienak beste behin. Hamahiru izan dira guztira, eta ondoren, Bergaran jaso dira gehien: zortzi. Horrez gain, Aretxabaletan sei erregistratu dituzte. Antzuolan, Eskoriatzan eta Oñatin bana, eta gainontzeko hiru herrietan, bat bera ere ez.
Behera egin du datuak ere Araban, Bizkaian eta Gipuzkoan, aurreko astean baino 80 gehiago.
Ospitaleetan, gora
Hala ere, ospitaleetan gora egin du datuak azken astean, 220 pertsona ospitaleratuta baitaude —aurreko astean 202 ziren—, eta horietatik hiru ZIUetan daude; beraz, aurreko astean baino bost gutxiago.
