Hona hemen bulegoen kokalekua eta ordutegia:
- Arrasaten, BAZen –Arano eta Garcia maisu-maistren kalea, 8–: martitzen, eguen eta egubakoitzetan, 08:30etik 19:00etara.
- Aretxabaletan, Murrukixoren egoitzan –Durana kalea, 13–: eguaztenetan, 08:00etatik 20:00etara.
- Eskoriatzan, Udaletxean –Fernando Eskoriatza plaza, 1–: astelehenetan, 08:00etatik 20:00etara.
Online ere eman daiteke izena, Ekiolaren webgunean.
Trantsizio energetikoa
Arrasateko Garaia parke teknologikoaren esparruan eraikiko da instalazio fotovoltaikoa, eta Leintz Gatzagako, Eskoriatzako, Aretxabaletako eta Arrasateko 600 familia ingururi banatuko dio argindarra, energia fosiletatik trantsizio energetikorako saltoa emanaz.
Proiektuak 1,7 milioi euroko aurrekontua izango du, eta dagoeneko ia milioi bat euro bermatuta daude. Izan ere, Europar Batasuneko Next generation funtsetik 600.000 eurotik gora jasoko ditu Leintz Bailarako Ekiolak, baita Fagor taldearen 350.000 eurotiko gorako ekarpena ere.
