Beherantz egiten jarraitzen du positiboen kopuruak Debagoienean

Azken astean, 31 positibo atzeman dituzte, aurreko astean baino hamasei gutxiago. Gehienak, Arrasaten batutakoak izan dira.

Eusko Jaurlaritzako Osasun Sailak emandako datuen arabera, beste aste batez, behera egin dute positibo kopuruek Debagoienean, aurreko astean baino hamasei kasu gutxiago hauteman baitituzte. Guztira, 31 izan dira.

Arrasaten batu dira positibo gehienak, denera, hamahiru, eta, Bergaran, hamar. Dena den, gainontzeko herrietan, datuak apalagoak izan dira: Antzuolan, bi positibo hauteman dituzte; Aramaion, bat; Aretxabaletan, bi; eta, Oñatin, hiru. Elgetan, Eskoriatzan eta Leintz Gatzagan, berriz, ez da kasurik izan.

 

EAEko datuek ere behera

1.214 positibo atzeman dituzte azken astean, aurreko astean baino gutxiago, baina ospitaleetan gora egin du okupazioak; atzoko egunean 193 pertsona zeuden koronabirusarekin, eta aurreko astean 186 ziren; eta zortzi ZIUetan daude, aurrekoan baino lau gehiago. Bestetik, hamaika pertsona hil dira COVID-19aren eraginez, aurreko asteko berdin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.