Langabeziak gora egin du irailetik urrira

Irailean baino hamabost debagoiendar gehiago egon dira langabezian urrian. Aramaion, Arrasaten eta Oñatin, ordea, behera egin du, eta Antzuolan, berdinetan mantendu da. Guztira, beraz, 2.439 langabe daude bailaran

Lanik gabe zeuden debagoiendarrak %7,89 ziren irailean eta %7,94 izan dira urrian. Beraz, gora egin du langabeziak bailaran, bi datuen arteko alderaketa handia ez bada ere; izan ere, %0,05 puntukoa izan da igoera.

Herrietako egoerari dagokionez, Aretxabaletan egon da igoera handiena, hamasei langabe gehiago baitaude iraileko datuarekin konparatuz gero, eta, ondoren, Bergaran eta Eskoriatzan. Langabe gutxiago daude, berriz, Arrasaten eta Oñatin.

Hurrengo taulan daude herri guztietako datuak:

Herria Urriko langabeak
Iraileko langabeak
Azken bi hilabeteetako aldea
Urriko langabezia-tasa
Antzuola 72 72 = %6,64
Aramaio 7 9 -2 %1
Aretxabaleta 205 189 +16 %5,96
Arrasate 1.098 1.107 -9 %10,81
Bergara 514 504 +10 %7,16
Elgeta 32 31 +1 %5,39
Eskoriatza 170 164 +6 %8,50
Leintz Gatzaga 3 2 +1 %2,50
Oñati 338 346 -8 %6,24
GUZTIRA 2439 2.424 +15 %7,94

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.