Behera egin dute positibo kopuruek azken astean

Debagoienan ere, positiboen kopuruak behera egin du, hogeita bost gutxiago azken astearekin alderatuz. Beste behin, Antzuolan, Aramaion, Elgetan eta Leintz Gatzagan ez da positiborik izan. 

Guztira, 46 izan dira azken astean gurean hauteman diren koronabirus kasu berriak -71 izan ziren aurreko astean-. Aipatzekoa, Oñatin, nabarmen egin dutela behera datuek. Hogeita zortzi kasurekin, positibo gehien izan zituen herria izan zen, azken astean berriz sei kasu besterik ez dira zenbatu. Arrasate da positibo berri gehien izan dituena hamabost kasurekin, Bergaran hamahiru, Eskoriatzan zortzi eta lau Aretxabaletan. Eskoriatzan izan ezik, bi positibo gehiago azken astean, beste herri guztietan jaitsi dira datuak. 

EAEko datu gehienak behera

Euskal Autonomia Erkidegoan, poliki bada ere, behera egin dute koronabirus kasuek. 1.522 positibo hauteman dituzte, kasuen ia %70a, 60 urtetik gorako pertsonak izanik. Ospitaleetan aldiz, azken astean baino hiru pertsona gehiago daude, 186 pertsona. ZIUetan berriz, lau pertsona daude koronabirusarekin. COVID-19arekin hil direnak berriz hamaika izan dira. 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.