Eskualdean, Osakidetzak hautemandako koronabirus kasuek gora egin dute azken astean –hilaren 17tik 23ra bitartean–. Beste behin, Oñati izan da positibo gehien batu dituena, eta, kontrara, Antzuolan, Aramaion, Elgetan eta Leintz Gatzagan ez da bakar bat ere erregistratu.
1.568 positibo atzeman dituzte azken astean; horien ia %70 kasu 60 urtetik gorakoen artean. Ospitaleetan, berriz, okupazioak behera egin du; atzoko egunean 183 pertsona zeuden koronabirusarekin –203 ziren aurreko astean– eta bost ZIUetan –bat gutxiago–.
Bestetik, hamabi pertsona hil dira COVID-19aren eraginez; aurreko astean lau izan ziren. Pandemia hasi zenetik, 8.037 pertsona hil dira EAEn gaitzarekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.