Unai Cantabrana musikari elgetarra arduratuko da Danbakako lehen emanaldirako chill out gunea girotzeaz. Bihar egingo da Musika Lehiaketako zuzeneko lehenengo emanaldia, 21:30ean hasita.
Aurretik, San Martin plazan -Errege Seminarioaren arkupeetan– egongo den chill out gunean joko du Cantabranak 20:00etatik aurrera. Honela aurkeztu du bere burua elgetarrak: "Nire hamahiru urteetatik garatzen ari den Pop/Pop-Rock albuma, maitasun eta desamodiozko esperientziak kontatzen dituzten kantuetatik, filosofia klase batean idatzitako abestietaraino. Euskarazko, gaztelaniazko eta ingelesezko abestiekin osatutako proiektua da".
