Grafiko eta datu guztiak ikusgai daude goiena.eus-eko azken datuak atalean.
Euskal Autonomia Erkidegoan, Osasun Sailak 1.353 kasu erregistratu ditu hilaren 3tik 9ra bitartean –aurreko astean baino 277 gehiago–. Hala, intzidentzia-tasak 100eko langa gainditu du eta 110,75ekoa da. Oinarrizko birsorkuntza datua, berriz, 1,24koa da.
Ospitaleetan ere izan du isla kasuen gorakadak. 159 pertsona daude plantan ospitaleratuta –aurreko astean baino 22 gehiago– eta hamabi daude ZIUn –bost gehiago–.
Bukatzeko, koronabirusaren eraginez erregistratutako heriotzak lau izan dira aste honetan, eta, Osasun Sailaren arabera, pandemia hasi zenetik (7.996) pertsona hil dira EAEn.
