Hiru argazki aukeratu ditu lehiaketako epaimahaiak; eta herritarrek Publikoaren Saria aukeratu dute beraien botoekin.
1. saria
Olaia Oterok Kuban ateratako erretratua aukeratu du epaimahaiak 1. sariko argazki irabazle moduan. Arrasateko eta Bergarako Halcon Bidaiak-en eskutik, Kantabrian bi pertsonarendako gaua eta gosaria irabazi du.
2. saria
Mikel Lasak Galizian ateratako sortako argazki batek irabazi du 2. saria: Esnebidea, Rinlo gainean. Arrasateko Eroski hipermerkatuari esker, Samsung Galaxy A12, 32GB eskuratu du.
3. saria
Epaimahaiak aukeratu duen hirugarren argazkia Juan Luis Zabalak Contisetik (Landak) dakarrena da. Gure Ametsa jatetxean bi lagunendako afariaz edo bazkariaz gozatzeko aukera izango du.
Publikoaren saria
Azkenik, Publikoaren saria eskuratzeko400 bototik gora jaso dira, eta, horien artean gehien Unai Elorzak Kurtzetxikin ateratako argazkiak eskuratu ditu. Berarentzat izango da Bergarako Ereindajan-en eskutik bertako eta kalitatezko produktuen saski ederra.
