Ohiko San Migel jaiak berreskuratzean bola-txapelketa ere itzuli da. 37 lagunek hartu zuten parte zapatu gaueko lehian, eta Sebas Aranzabal elgetarra izan zen nagusi zazpi txirlo botata. Haren atzetik geratu ziren Igor Elosu sei txirlorekin, eta Jose Luis Gorosabel, bostekin.
"Giro bikaina" izan zen beste behin bolatokian, antolatzaileen esanetan; baita arratsalde partean neska-mutikoek jokatutako txapelketan ere. Nagusien artean Mikel Garzia izan zen txapelduna, eta haren atzetik geratu ziren Aimar Akizu eta Markel Kintanilla. Gaztetxoen txapelketa, ostera, Eki Arresek irabazi zuen, Oihan Busto geratu zen bigarren eta Amets Esnal hirugarren.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.