Gotzone Sagardui Osasun sailburuak jakinarazi du hilaren bukaeran edo urriaren lehenengo egunetan esango dutela nola egin beharko den COVID-19aren kontrako txertaketaren hurrengo fasea. Gripearen kontrako kanpaina ere orduan azalduko dute.
Osakidetza "txertaketa-prozedura lantzen" ari dela esan du gaur Gotzone Sagardui sailburuak: "Lasai egon. Txertoak iristen direnean, jakinaraziko dugu nora eta noiz joan behar den txertatzera".
Halaber, gripearen kontrako kanpainaren inguruan gauza bera esan du: "Hilabete bukaeran edo urriaren hasieran komunikatuko dugu nolakoak izango diren koronabirusaren eta gripearen kontrako txertaketen prozedurak".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.