Grafiko eta datu guztiak ikusgai daude goiena.eus-eko azken datuak atalean.
Euskal Autonomia Erkidegoan ere behera egin dute COVID-19 kasuek; 838tik 697ra; hots, aurreko astean baino 141 gutxiago. Nolanahi ere, oraindik intzidentzia-tasa ez da asko aldatu: 69,99koa da.
Erietxeei erreparatuta, egoera antzera mantendu da, baina gora egin dute –gutxi bada ere– zenbatekoek. 96 pertsona daude ospitaleratuta –aurreko astean baino bat gutxiago– eta sei lagun daude Zaintza Intentsiboetako Unitatean –bat gehiago–.
Bukatzeko, koronabirusaren eraginez erregistratutako heriotzak bost izan dira aste honetan. Guztira, pandemia hasi zenetik 7.903 pertsona hil dira EAEn.
