Ia bikoiztu egin dira aste batetik bestera eskualdean erregistratutako COVID-19 kasuak. 26 izan dira abuztuaren 29tik hilaren 4ra bitartean zenbatutakoak. Herriei dagokienez, Arrasaten egon da alde nabarmenena.
Grafiko eta datu guztiak ikusgai daude goiena.eus-eko azken datuak atalean.
Bailaratik harago, Euskal Autonomia Erkidegoan ere gora egin dute positiboek. 838 hauteman dira; aurreko astean baino 127 gehiago. Hala, intzidentzia-tasa 70,63an kokatu da eta oinarrizko birsorkuntza datua 1,02koa da.
Ospitaleetako egoera, aldiz, leundu egin da. 97 daude plantan ingresatuta –aurreko astean baino sei gutxiago– eta ZIUn daudenak bost dira –lau gutxiago–.
Gaitzaren ondorioz erregistratutako heriotzak ere gutxiago izan dira aste honetan; zortzi pertsona zendu dira. Orotara, pandemia hasi zenetik 7.867 lagun hil dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
