Pirinioetako lau tontor argiztatu dituzte debagoiendarrek, Gure Eskuk deituta

Astate mendia argiztatzera joan dira aretxabaletarrak eta arrasatearrak. Iparlara ere joan da espedizio txikiago bat, Besaide mendizale elkartekoekin. Bergaraldekoak eta oñatiarrak Buztanzelain izan dira, eta aramioarrak, berriz, Argintzun.

Katalanek eta euskal herritarrek 300 gailurretik gora argiztatuko dituzte bart iluntzean Pirinioetan, farol berezi eta linternekin argi-lerro bat osatuta.

Pirinioetako Bidea izeneko ekitaldia izan da, Euskal Herriaren eta Kataluniaren autodeterminazio eskubidea aldarrikatzea helburu duena. Gure Esku, Assemblea Nacional Catalana eta Federacio d’Entitats Excursionistes de Catalunya entitate sozialek antolatu dute, bi herrialdeek elkarlanean antolatutako lehen mobilizazio herritarra izanik.

Bailarako herritar ugari bertaratu dira Baigorri inguruko mendietara, autobusez, kotxez zein furgonetan, herrien erabakitzeko eskubidearen alde.

Erlazionatuak

Astate mendia argiztatu dute arrasatearrek eta aretxabaletarrek

Aretxabaleta Arrasate

Gure Eskuk deitutako Pirinioetako Bidea ekimenarekin bat egin eta 75 arrasatear eta 25 bat aretxabaletar Astate mendian izan ziren atzo hura argizt...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.