Azken egunetako tenperatura altuek bihar joko dute goia. Hala adierazten dute, behinik behin, Euskal Meteorologia Agentziaren iragarpenek. Egunak giro epelarekin argituko duen arren, gora joango dira termometroak orduak aurrera egin ahala; bazkalosterako espero dira balio altuenak.
Hala, abisu horia ezarri du Euskalmetek 14:00etatik 19:00etara beroagatik. Iragarpenen arabera, kostaldean 27 gradu ingurukoak izango dira tenperatura altuenak, eta barnealdean, aldiz, 35 graduraino igoko dira balioak. Bailararen, esaterako, termometroek 30 gradutik gorako tenperaturak adieraztea espero da.
Aldaketa
Eguraldia, baina, asteburua amaitzearekin batera aldatuko dela aurreikusten dute iragarleek. Izan ere, astelehenetik aurrera nabarmen egingo dute behera termometroek, eta aste barruko egunak euritsuak izatea espero da.