Maskararen nahitaezko erabilera bukatu arren Osasun Ministerioak hori janztea gomendatu du pertsonen arteko distantzia 1,5 metrotik beherakoa denean eta espazioaren aireztapen egokia ezin denean bermatu; eta bereziki, biztanleria zaurgarriaren artean, 60 urtetik gorakoetan, immunodeprimitutako pertsonetan eta haurdun daudenen artean.
Lan eremuan eta ikastetxeetan ere ez
Lantegietan eta orokorrean lan eremuan ez da behartuko maskararen erabilera. Hala ere, Espainiako gobernuko osasun ministro Carolina Dariasek adierazi zuen atzo, enpresetako lan-arriskuen prebentzioko arduradunek zehaztuko dutela jantzi edo ez "lanpostuaren arriskuaren azterketaren arabera".
Ikastetxeetan "inolaz ere" ez dela derrigorrezkoa izango gaineratu zuen Dariasek, eta era berean argitu, maskara "arduraz erabiltzea" gomendatzen dela eta irakasle zaurgarrientzat gomendatu ere bai.
Derrigorrezkoa non?
Ospitaleetan, osasun etxeetan, odola emateko zentroetan eta farmazietan maskara erabili beharko dute langileek eta bisitariek. Pazienteek, berriz, eremu komunetan bakarrik jarri beharko dute.
