Deba ibaiaren kontrako norabidean zeharkatu du Korrikak Debagoiena

Eskualdeko herri guztietatik igaro ez bada ere, denek izan dute ordezkaritza Korrikaren 22. edizioan. 32 kilometroko ibilbidea egin du Debagoienean zehar eta ehundik gora eragilek eraman dute eskurik esku lekukoa.

Osintxutik sartu da lekukoa eskualdean eta Bergaratik Elorregira egin du; tarte horretan antzuolarrak eta elgetarrak ere batu dira. Elorregitik Arrasaterako bidean batu dira oñatiarrak; Arrasate zeharkatu ostean Aretxabaletara jo dute. Handik Eskoriatzara, jarraian Leintz Gatzagara, eta azkenik, Arabako mugaz bestaldera eraman dute lekukoa aramaioarrek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.