Korrikaren etorrera girotzen hasiak dira herrietan, eta oraingoan, mendi irteera antolatu dute elkarrekin arrasatearrek, aretxabaletarrek eta aramaioarrek. Nor bere herritik abiatuko da bihar, martxoak 26, eta tontorrean egingo dute bat, 11:30ean, argazkia ateratzeko.
Aretxabaletan, 09:30ean abiatuko dira Herriko Plazatik, eta Galartza auzotik bueltan igoko dute.
Aramaion, 08:45ean elkartuko dira pilotalekuan abiatzeko, baina ibilbide motzagoa egin gura duenak Untzillara jo dezake 10:15ean.
Arrasatearrek ez dute irteera ordurik zehaztu; tontorrean izango dira 11:30ean.
Hiru herrietako Korrika batzordeetatik gazte, heldu zein umeak animatu dituzte bertaratzera, euskara ahoan hartuta 22. Korrikari babesa agertzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.