Txaleko hori islatzaileak soinean, Elorregiko biribilgunean hainbat pertsona zeuden gaur goizean. Bidegurutzeen ertzetan zeuden, norabide ezberdinetan jarrita. Goienari jakinarazi diotenez, Garraioaren Defentsarako Plataformak deitutako lanuzte mugagabea egiten ari diren kamioilari autonomoak dira.
"Arazorik ez" sortzeko asmoarekin, "pikete informatiboak" egiten ari ziren grebalariak, lanuzterik egin ez duten gremioko kideei egoeraren inguruko informazioa emanez. Gainera, jakinarazi dute goizean zehar "bailaratik bueltaka" arituko direla.
