Aldarrikapenez bete dira bailarako kaleak

Xabier Urtzelai 2022ko mar. 8a, 21:22

Beste urte batez, aldarrikapenez bete dira Debagoieneko kaleak Emakumeen Nazioarteko Egunean. Mugimendu feministak deituta, Zapaltzen gaituen sistemari sua, antolakuntza feminista gure garra! lelopean bildu dira ehunka herritar gaur arratsaldean egin diren manifestazio eta elkarretaratzeetan; beste hainbat eragilek ere egin dituzte mobilizazioak egunean zehar. 

Askotariko eragileek deitutako aldarrikapen feministez bete dira martxoaren 8 honetan Debagoieneko kaleak. Bailarako mugimendu feministek arratsaldean egin dituzten manifestazio eta elkarretaratzeak izan dira jendetsuenak; "emakumeoi egunerokoan eraso egiten gaituen gizarte matxista, kapitalista, kolonialista eta arrazista honi aurre egitea" izan da antolatzaileen aldarri nagusia.

Itaia emakumeen antolamendu sozialistak Bergaran egin duen manifestazioan, aldiz, "estatu sozialista" aldarrikatu dute, "emakume langileen zapalkuntza gainditzeko bermea" izango dela iritzita.

Hona herriz herri Goienak jaso dituen irudiak, ikus-entzunezko bakarrean bilduta.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak