Hainbat astez kanpoaldean musukoaren erabilera bertan behera utzi ostean, abenduaren 22an behartu zuen Espainiako Gobernuak maskara berriz janztea. Autonomia erkidegoetako lehendakarien batzarrean hartu zen erabakia, Omikron aldaerari aurre egiteko neurri murriztaile eraginkorra zela iritzita.
Bada, 48 egun geroago, otsailaren 8an, zehazki, neurria bertan behera uzteko erabakia hartuko du Espainiako Ministroen Kontseiluak. Hala aurreratu du Espainiako irrati batean egin dioten elkarrizketan Carolina Darias Osasun Ministroak. Martitzenean sinatuko dute erabileraren derrigortasuna bertan behera utziko duen dekretua, eta Estatuko Boletin Ofizialean argitaratzen den unean izango da behin-betikoa erabakia.
Iturri berdinen arabera, eguaztenetik aurrera geldituko da, beraz, bertan behera derrigortasuna.
