Herrietako batzarrak asteotan egingo dituzte; horiek deitzeko, arduraduna bera jarriko da eragileekin harremanetan. Batzar horietan, ohi legez, honakoak landuko dituzte: egitaraua, lanen antolaketa, Korrika kulturalaren gaineko kontuak, Korrikalaguna, Korrika Txikia…
Kilometro eskaera
Kilometroak eskatzeko aukera dagoeneko zabalik dago. Horretarako helbide elektroniko bidez egin behar da eskaera: korrikadebagoiena@gmail.
Korrikari laguntzeko ekarpenak honakoak izango dira: 450 euro taldeentzat eta 600 euro udal eta enpresa handientzat. Azkenekoz egindako Korrikaren kopuruak mantendu egin dituzte, baina gehiago ere izan daitekeela adierazi dute. Aurrekoetan legez, kilometro hartzaileen kopuruaren arabera banatuko dituzte kilometro errealak. Eta kilometroen banaketa, lekua, ordena eta gainerako kontuak herri bakoitzeko batzordeetan erabakiko dituzte; AEKtik adierazi dute eskari bereziak kontuan hartzen saiatuko direla.
Lekukoa pasatuko ez den herriak
Oñati, Antzuola, Elgeta eta Aramaiotik aurten ez da lekukorik pasatuko. Herri horiei beste alternatiba batzuk proposatuko dizkiete. "Gainera, bidea egingo da parte har dezaten, modu egoki eta duin batean, ibilbide ofizialean ere", gaineratu dute AEKtik.
